* * *
Ota o’g’lidan so’radi:
— Manavi «ikki»ni nima uchun olding?
— Karl bilan Marks bir shaharda yashashadi degandim.
— Ahmoq, shuniyam bilmaysanmi? Axir, ular turli shaharlarda yashashgan va bir-birlarini umuman tanishmagan!
* * *
Yigirma yildan so’ng sobiq sinfdoshlar yig’ilishdi. Keksayib qolgan muallima sobiq o’quvchilariga bir-bir qarab chiqarkan, dedi:
— Oyshaxon, sen juda go’zal bo’lib ketibsan! Seni-chi, tez-tez televizor orqali ko’rib turaman. Yaxshi artistsan! Sen, Boltavoy olim bo’libsan. Maktabdayam hammadan yaxshi o’qirding. Voy, Toshmat, senga general kiyimi juda yarashibdi-ya!.. Maktabda qachon qarasa, bilmayman, bilishniyam istamayman deganing degan edi. Qanday qilib generalgacha yetib bording?
— Men hozir ham hech narsa bilmayman va bilishniyam istamayman. Lekin men aytgan topshiriq ertaga bajarilishi shart.
* * *
Maymun yo’lda tirnoqlarini egov bilan tekislayotgan yo’lbarsni ko’rib qolib so’radi:
— Nima qilyapsan?
— Tirnoqlarimni o’tkirlayapman. O’sha Sherxoning o’rmonda haqiqiy hukmdor kim ekanini ko’rib qo’ysin!
Maymun shu zahoti shernikiga borib hammasini aytib berdi. Sher sekin yo’lbarsning yoniga kelib so’radi:
— Ha, olaxon, nima qilyapsan?
— Menmi?.. B-bilasizmi… Manikyur qilyapman, manikyur!
* * *
Qizaloq onasidan so’radi:
— Oyi, odamlar yerdan kovlab olinadimi?
— Bu gapni qaerdan olding?
— Bir amaki dadamdan: «Bu xotiningni qaerdan kovlab olgansan?» deb so’radi.
* * *
— O’g’lim, aqlli odamlar doimo nimadandir ko’ngillari to’lmay, o’zlariga to’laqonli ishonmay yashashadi. Ahmoqlargina o’zlariga qattiq ishonib yuborishadi.
— Siz shunga ishonasizmi?
— Albatta.
* * *
Uzoq kelajak. Ikki bolakay tuvakda o’tirishibdi. Biri ikkinchisidan so’radi:
— Sening ota-onang qaysi chatda tanishishgan?
* * *
— Azizam, turmush qursak, ko’-o’p pul ishlab topamiz. Keyin dengizga boramiz. O’zimizga ijaraga yaxta olamiz. Ana undan so’ng balanddan pastga, pastdan balandga qarab sayr qilaveramiz, sayr qilaveramiz…
Shunda qiz birdan qayt qilib yubordi.
— Nima bo’ldi, azizam?
— To’lqinning kuchliligidan boshim aylanib ketdi.
* * *
Bir kuni bo’g’irsoq va quyon uchrashib qolishdi. Nima bo’ldi-yu, ular gap talashib mushtlasha ketishdi.
Quyon:
— Vey, bo’g’irsoq, quloqqa tepma!!
Bo’g’irsoq:
— Sen ham basharamga mushtlama!
* * *
Ikki estrada xonandasi uchrashib qolishdi. Biri ikkinchisiga dedi:
— Ishonasanmi, birinchi klipim chiqishi bilan mamlakatda televizorlar bozori chaqqon bo’lib ketganmish!..
— Buning hayron bo’ladigan yeri yo’q. Mening o’zim ham televizorimni sotib yuborganman.
* * *
Sevishganlar tunda uchrashuvga chiqishdi va yerga o’tirib olishgach, yigit taklif kiritdi.
— Kel, anavi daraxtdagi kakkudan qancha yashashimizni so’rab ko’ramiz!
— Bo’pti.
Yigit daraxtga boqib qichqirdi:
— Kakku, biz qancha yashaymiz?
— Ku-ku…
— Nega buncha oz?
Kakku odam tilida javob qildi:
— Agar doim hozirgiday zax yerda uchrashaversangiz, shunchayam yashay olmaysiz!
Olimjon HAYIT tayyorladi
