Sun'iy archa: ijobiy va salbiy tomonlari
Birinchi afzallik tomoni – bu archa sizga uzoq yillar hizmat qiladi va,u payt mobaynida pulingizni tejay olasiz. Bundan tashqari pollarga to’kiladigan ignachalarni terishga xojat ham bo’lmaydi. Ammo plastikdan yasalgan archa tanlamagan ma’qul. Uyni hozirda urfga kirgan ekostil ko’rinishida bezatishga kirishgan bo’lsangiz – bu uning tabiiy materiallardan bo’lishi kerakligini anglatadi.
Tabiiy archa: ijobiy va salbiy tomonlari
U haqiqiy bolalik onlarini yodga soladi. Har biri kishi intiqib kutayotgan yangi yil bayrami muhitiga tabiiy paxmoq archaning sovuq harorati va hushbo’y hidi orqali erishish mumkin. Archa bozorlarida turli xil darahtlar bor, shuning uchun ham tanlov borasida cheklanmaysiz. Yangi 2019-yilni kutib olish uchun bu safar Norveg shimoli archasini harid qilsangiz, kelgusi dekabrda rus qarag’ayini tanlashingiz mumkin. Tabiiy ignabargli daraxtlarning kamchiligiga kelsak, uni umri qisqa bo’ladi. Xattoki alohida parvarish bilan ham uch haftada to’kila boshlaydi. Aslida 3 hafta ham katta muddat!
Dekorativ archa: ijobiy va salbiy tomonlari
So’nggi yillarning ajoyib tendensiyalaridan biri dekorativ archalar hisoblanadi. Bu aslida archa daraxti bo’lmasligi ham mumkin. Misol uchun devorga osilgan girlandiyalardan yasalgan archa ham antiqa ko’rinadi. Yoki futuristik uslubdagi metallarning stol kompozitsiyasini yaratishga urinib ko’ring. Yasalgan archalar haqiqiy daraxtni sig’dirish qiyin bo’lgan kichik joylarda asqotadi. Huddi shu kategoriyaga ignabargli to’plamni kiritish mumkin. Uni har bir xonaga, dahlizlar va oshxonaga ham joylashtirsa bo’ladi.
Agar sizning xonadoningizda bayram harorati uzoq vaqt gurkirab turishini hoxlasangiz, uyingizni bezatishda qarag’ay daraxti tanlashni maslaxat beramiz. Bu archa daraxti bir joydan ikkinchi joyga ko’chirilib o’tkazilganda ta’sir sezmaydi. Unga har kungi g’amxo’rlik qilishning hojati ham yo’q. Ha, qarag’ay shaklini tuzatish juda oson. Odatda uning pastki shoxlari kesib olinadi va bo’sh bo’lgan joyga bog’lanadi. Qarag’aydan juda chiroyli yangi yil daraxti chiqadi. U ignalarini to’kib yubormaydi va ularning uchi sarg’ish tusga kirmasdan, chiroyli ko’rinishda qoladi.
Qarag’ayni tanlashda jo’ylashuvini ham hisobga olish kerak. Agar uni xonaning burchak qismiga joylashtirmoqchi bo’lsangiz, bir tomonli qarag’ay bilan cheklansangiz ham bo’ladi. Bunday archa bozorda qo’pol ko’rinsa-da uyga kelganingizda uning barcha afzalliklari namoyon bo’ladi. Hamma tomonlama yumshoq va qalin archani faqatgina xonaning markazi uchun tanlash kerak.
Yangi yil archasi qanday tanlanadi?
Archa issiq xonalarni yoqtirmaydi. Agar chindan ham shunday archa xohlasangiz, u holda ko’k tusdagi archa daraxtini tanlang. Bu archaning issiqdan qo’rqmaydigan yagona turidir. Archaning qolgan turlari qor bilan qoplangan o’rmondan ko’chib o’tishga mone’lik qiladi. Ularning ignalari tezda namlikni yo’qotadi, quriydi va intensivligi tushib ketadi. Agar bunday archani yangi yildan ikki hafta oldinroq bezatsangiz, bayramda uning quvnoq ko’rinishidan asar ham qolmaydi. «Unday bo’lsa yangi yil arafasida archa sotib olish kerak ekan-da» deb o’ylarsiz balki. Bu to’g’ri! Faqat bozordagi archalar ham bu yerga bir marta keladi-da. Vaqt o’tishi bilan, sotilmay qolgan narsalarni harid qilishingiz kerak bo’ladi va bu sizga mos kelmasligi mumkin.
Archa uzoqroq saqlanishi uchun:
Archa sizni o’z go’zalligi bilan ko’proq zavqlantirishi uchun siz uni chelakka o’rnatib, qum bilan chelakni to’ldirishingiz kerak. Birinchi navbatda taglikdagi ildiz o’z qobig’idan tozalanadi. Daraxtning qiyshayishiga yo’l qo’ymaslik uchun pastki qismining diametri bilan teng bo’lgan bir juft detal ildizga mixlanadi. Bunday konstruktsiya archaga bardamlik bag’ishlaydi.
Sun’iy archa qanday tanlanadi?
Yoqimli, g’amho’rlikka muhtoj bo’lmagan yangi yil sun’iy archasi qanday tanlanadi? 2019 yilga borib ularning tanlovi ajoyib darajada yuqori bo’lmoqda! Bunday daraxtlarni qo’shimcha muammolarni istamagan, tabiatni sevadigan va pul tejamaslikka qodir odamlar sotib oladilar. Darhaqiqat, bugungi kunda sotuvga chiqarilgan sun’iy daraxtlar muammolarni hal qila oladi. Bunga qo’shimcha ravishda, u sizga yetarlicha uzoq xizmat qilishi ham aniq. Bu uzoq vaqt xizmat qiladigan narsa bo’lgani uchun tanlayotgangan vaqtingizda pul tejamasligingiz kerak. Sifatli archada metall ramka, ingichka (baliq ovlash liniyasiga o’xshash) ignalar bo’lishi lozim. Bundan tashqari, mahsulotni xidlab ko’rish ham tavsiya etiladi. Plastmassaning hidi uning past sifati haqida gapiradi. Yupqa qog’ozga o’xshash ignalar o’z ko’rinishini tez yo’qotadi. Sotib olish paytida uning ignalarini tortib ko’ring, ularni kuch bilan ta’sir qiling. Yaxshi sifatli daraxt ushbu harakatlardan zararlanmaydi. Agar «ignalar» egilgan bo’lsa, ular tez fursatda ajralib qoladilar. Bu holatda sizga boshqa rastaga o’tishni maslaxat beramiz. Maxsus mexanizmlar bilan jihozlangan daraxtlarni diqqat bilan tanlanish kerak. Yomon elektronika bayram oxirigacha ham «yashamasligi» mumkin. Bunda kayfiyat buziladi va pulingiz ham bexudaga sarflanadi. Bu kabi archalarni maxsus do’konlardan sotib olgan yaxshiroq. Albatta, kafolatini ham unutmagan holda!
